کردنەوەی پێگەیەک بۆ کتێبی کوردی

www.rabari.org

کردنەوەی پێگەیەک بۆ کتێبی کوردی

ئاگاداری
بۆ ئۆگرانی کتێب و خوێندنەوە و فێربوون!
بۆ نووسەران(ئەدیبان، توێژەران و سەرجەم قەڵەمبەدەستان)ی کورد!
نەبوونی کتێبخانەیەکی ئەلکترۆنی کە بتوانێ بۆ خوێنەری کورد و ئەو کەسانەی کە دەیانهەوێ لە سەر "کورد و کوردستان" شارەزایی پەیدا بکەن، بۆشاییەکی گەورەیە. بە مەبەستی پڕکردنەوەی ئەم بۆشاییە، ناوەندی ڕاگەیاندنی حیزبی دێموکراتی کوردستان پێوەیە بە هیمەتی تەواوی ئەو کەسانەی کە دەتوانن لەم بوارەدا هاوکار و پشتیوان بن، یەکەمین هەنگاوەکان هەڵێنیتەوە.
بۆ ئەم مەبەسەتە کتێبخایەنەیەکی دیجیتاڵی بە ناوی "ڕابەری" و بە ئادرەسی www.rabari.org ئامادە وتەڕاحی کراوە کە بە هیمەتی هەموو لایەک مەبەستمانە وەک کتێبخانەیەکی گەورەی کوردی، پێشکەشی کۆمەڵگەکەمانی بکەین.
ئەم هەوڵە، بەو مەرجە سەركەوتوو دەبێت، كە هەموو ئەوانەی خاوەنی بەرهەمن یان بەرهەمی باشی نووسەران و توێژەرانیان لایە، بە ناردنی فایلی (pdf)ی کتێبەکان، وتارە تەحقیقی و توێژینەوەییەکان، بڵاوکراوە کۆن و خاوەن ئێعتبارەکان، هاوکاریمان بکەن، چونكە بەبێ هاوكاریی ئەوان، هەوڵەكەی ئێمەیش وەك زۆربەی ئەو هەوڵانەی لەوەپێش دراون، شتێكی ئەوتۆی لێ شین نابێتەوە، بەڵام ئەگەر دڵسۆزان هەر كەسە و لەجێی خۆیەوە قۆڵی لێ هەڵماڵێ، بەدڵنیاییەوە دەتوانین پێگەیەكی بەهێز و سەرچاوەیەكی بەپێز بنیات بنێین.
بۆیە لێرەوە داوا لە هەموو نووسەرانی کورد و ئۆگرانی کتێب و خوێندنەوە دەکەین کە بە مەبەستی دەوڵەمەندکردنی ئەم کتێبخانەیە، هەر کتێب و نامیلکە و بابەتێک کە بە pdf لە بەردەستیان‌دا هەیە لە ڕێگای شوێنی "ناردنی کتێب" یان بۆ ئادرەس ئیمەیلی kurdrabari@gmail.com ی بنێرن.

سپاس بۆ هەموو ئەو ئازیزانەی تا ئێستا هاوکار و هاندەرمان بوون
هەروەها پێشەکی سپاس و پێزانین بۆ ئەو بەڕێزانەی بە ناردنی کتێب و پێشنیارەکانیان، لە دەوڵەمەندکردنی ئەم کتێبخانەیەدا بەشدار دەبن.

بەڕێوەبەریی کتێبخانەی دیجیتاڵیی ڕابەری
ناوەندی ڕاگەیاندنی حیزبی دێموکراتی کوردستان